Эрзянь тевень коряс вастовома.
Ожоковонь
4 чистэнть ютась Санкт-Петербург ошсо ютась а покш вастома-кортамо.
Ульнесть колмо эрзят: Петрянь Андю, Ротанонь Танюш, Эрюш Вежай ды вейке
мокшава, Валентина Дмитриевна, Пенза ёнксонь Селикса велестэ ломанесь,
конась эрзятнень марто ашти ве мельсэ ЕМЯ-нть а эрявикстэнзэ кувалма.
Кортамось ульнесь эрзянь тевде, тешкстазелть сы шкань од эрзянь тевть:
1.Эрзянь ковкерьксэнть теемадо. 2010 иень.
2. Эрзянь Раськень Озконтень, 2010 иенсентень, анокстамодо.
3. Эрзянь валморонь ванмопусмонь (альманах) нолдамодо.
4. Дмитрий Таганов-онь "Седейсэ тарка" валморонь пусмонть эрзятнень юткова невтемадо..
Раськеютконь кудонь библиотекасонть витезь сёрмадовкстнэ. Ней книгань
лавсянь сёрмадовксось, косо аравтозь эрзянь книгатне "мордва" валонть
таркас карми сёрмадозь ЭРЗЯ.
Болдина буень Пикшня эрзянь велесэнть , Эрзянь Масторсо, лись сёрмадкс
пусмо, конасонть ёвлеви веленть сюпав ютазь эрямо шкадонзо.
Пусмось нолдазь Пикшня велень ломатнень ярмакост лангс.
Сёрмадкс пусмонть сёрмадыцязо - теке веленть эрицязо, Кирень Вася
(В.Любаев), П. Любаев эрзянь валморонь сёрмадеенть ялаксозо.
ЭРИЙ
|
