Эрзят! Ялгат! Ловнодо минек кулятнень эрьва чистэ! Чинек-венек! Тынськак пачтядо кулят эрзянь раськеденть! Эрзяне! Друзья! Читайте наши новости ежедневно! Круглосуточно! Сами присылайте новости об Эрзя народе!
Четверг, 28.03.2024, 19:35
EKN=ESN. ERZINFORM. ЭКН=ЭСН. Эрзянь кулянь невтемакурось
Главная | | Регистрация | Вход
NEVKST LOPASO
VESE KULIATNE
Кулянь невкст
[03.09.2009]
ERZINFORM (1)
[03.09.2009]
ИСПОЛКОМ МОРДОВ... (4)
[03.09.2009]
Агенты мордвы- ... (1)
[03.09.2009]
В МОРДОВИИ НЕ З... (3)
[03.09.2009]
Антиэрзянский в... (4)
[04.09.2009]
Эрзяне есть нар... (0)
[04.09.2009]
ЭРЗЯНЬ МАСТОР П... (0)
[04.09.2009]
Указ Инязора Эр... (0)
[04.09.2009]
Нос по ветру! Д... (2)
[06.09.2009]
В МОСКВЕ ВСПЫШК... (3)
Форма входа
Логин:
Пароль:
Главная » 2011 » Июнь » 15 » Трагическое известие: у нас огромная потеря - ушел из жизни Александр Арапов...
22:38
Трагическое известие: у нас огромная потеря - ушел из жизни Александр Арапов...
Трагическое известие: у нас огромная потеря - ушел из жизни Александр Арапов...




Александр Васильевич Арапов чачсь 1959 –це иень сундерьковонь1-це чистэ Дубёнской райононь Кенде велесэ. 1977-це иестэ прядызе Кобалень школанть. М.В.Ломоносов лемсэ МГУ-нь журналистикань факультетэнть прядомадо мейле (1983) малав кавто иеть важодсь «Мордовский университет» газетань корреспондентэкс. 1985-це иестэ тердизь роботамо «Сятко» журналонь редакцияв. Ульнесь литсотрудникекс (1985-1989), поэзиянь ды публицистикань отделэнь редакторокс (1989-2000). 2000-це иестэ саезь – «Сятко» журналонь главной редактор.

Россиянь Писателень союзонь член (1994. Мордкизэсь нолдынзе поэзиянь ниле книганзо: «Вайгель» (1990), «Вальма» (1992), «Взмах» (2001), «Мейле» (2006). Стихензэ совасть вейсэнь сборникс, конат лиссть Саранск, Челябинск, Самара, С-Петербург, Москов, Хельсинки, Будапешт, Таллинн, Тарту оштнесэ.

«Литературная Россия» газетань лауреат (2000). Мордовиянь заслуженный поэт (2003).

Ютко шкасто седи гитарасо, ладси морот эсь стихензэ лангс.


Журнал "Сятко" №11, ноябрь 2009 г.

Паро, ули истямо поэт…

Чевте таркинесэ,
Лембе лушминесэ
Мадезь аштян — велькскам
Ков-бути васов
Шожда, теке валнэ,
Ашо пельне уи,
Ашо пельне уи,
Сонсь а соды ков…

Бути те стихотворениядонть-мородонть башка Александр Арапов мезеяк лия а сёрмадовольгак, арсеви, сестэяк улевельть сонзэ поэзиянть ламо содыцянзо-вечкицянзо. Пек уш оймень содазь, ноцк-ноцк седеень тантейстэ чавомас, невти неть зярыя строчкатнесэ эрямонть питнейчинзэ, мазычинзэ, моданть лангсо эрьвантень явозь марявикс-неявикс тарканть. Койсэнь, сонсь поэтэськак эсь творчествасонзо те стихенть лови тёкшокс, а стякояк од книгазонзо сон путозь васенцекс. Сонзэ эрьва книгась лемдязь башка смусть марто, вейке валсо: «Вайгель» (1990), «Вальма» (1992), «Взмах» (2004) ды вана — «Мейле». Истя лиссь, монень савсь улемс Александр Араповонь минек издательствасо весе лисезь книганзо редакторокс, секс, паряк, редявитькак тень сонзэ творчествасо кузематне-прамотне, од ёнкстнэ-тешкстнэ, полавтовоматне-кавтолдоматне. Сон свал ульнесь мелявтыця-ризныця поэтэкс. Истямокс кадовсь од книгасонтькак. Текень пес поладома: течи поэзиязо седеяк ризксэв-мелявксов. Тесэ, паряк, тувталось а шожда иетнесэ, лангозонзо празь стакачитнесэ? Ловнынк «Иванычень морозо», «Ильичень морозо» стихтнень, лиятнень, конат алтазь войнань темантень, авантень. Койсэнь, ава-поэттнэде домкасто А. Арапов маштсь невтеме аванть майсиця обуцянзо, эрямонзо. «Морось прядовсь», — прок лекстясь сон вейке стихсэнзэ. Эли ёвты истя: «Китне кольсть, ды молемскак а ков…» Ды прок виде ки лангс свал ливтить поэтэнть тетянзо марто кортамось, сеть малавикстнэ, кинь пельде а сави учнемс а кеж, а берянь, кинь марто чатьмонемаськак шожда, леци. Теке марто одс тешкстаса: кода сонзэ весе поэзиянтькак, тезэнь пурназь стихтнень яви домкачись ды оймень талномась. Кодат талновтыцят неень шкань сонзэ поэзиясь, стихтне, косо кортамось моли войнадо, армиясо служиця минек цёратнеде, сетнеде, кить ютызь Афганонть… А содангак, ёвтась-арась эрзянь поэзиясо кияк лия истя штавтозь ды истя ваньксстэ, мазыйстэ вечкемань ёжодонть … А. Арапов ёвтась. Те, нать, алкуксонь поэзиянть истямо виезэ — эрьва валось ёвтазь прок меельцеде, ды лиякс, — седе шождасто, седе парсте, — уш а ёвтавияк. Маряви, тон эсеть оймесэ кенерстить сынст ды поэтэнть марто ве вайгельсэ, ве лекстямосо ёвтыть весенень марямга. Ансяк содан, аволь эрьванть Пазось казизе истямо оймесэ-ёжосо: весень кисэ ёвтамс сехте домка, сёпозь-кекшезь, а ёвтавикс мельтнень ладсевикс валсо, панжомс оймень вальманть. Сюкпря Пазонтень — муизе самай те ломаненть. Сюкпря поэтэнтень ойменек сыргозтеманть, седе пек токновтоманть, ледстнеманть кисэ. Сон теке гайни струна — сурот эль токавтсак, вайгель максы. А стяко цёрась ламо стихензэ ладсинзе морокс, сонсь гитара марто морсияк эйсэст. Паро, ули эрзянь литературасо истямо поэт. Сон келес панжизе икеленек аволь ансяк эсензэ томбазь-раздезь седеензэ — минек ойметнень штавтынзе икеленек. Алкукскак, теке чопавтнят эсеть оймес, потмаксос неят весементь, мезе ули эйсэнек ды пертьпельганок…
Тамара Баргова


Сообщение от Семяковой Наталии Николаевны (24.08.2010 08:18) на литсайте ЭРЗИАНА:
Саша Арапов, помнишь ли ты меня? Встречались, правда, единственный раз на Фатьяновских прадниках, но потом переписывались, ты присылал мне свою книжку стихов на эрзянском языке. Я ее читала и перечитывала, не понимая текста, но удивляясь мелодиям, интонациям, рифмам. Не очень давно я завела интернет, почту и сразу посмотрела, что там есть про тебя. Есть и много! Очень рада, что ты теперь редактор журнала "Сятко", в котором и работал в пору нашего знакомства. Хотя, не знаю, рад ли этому ты, редакторство дело трудное и отвлекающее от творчества. Сама я пишу, но сейчас распространяться не буду, не уверена, что ты получишь мое письмо. Если получишь, отвечай Наталья.



Александр Арапов. Валморот. Стихи

* * *
Эрицятнеде велесэнть аламо —
Бабинеть, атят, одтнэ тусть ки ков.
Ошсто сакшныть аволь свадьбас — калмамо
Сетнень, кие эзь саеве ошов.

Кулость, кить умарь чувттнэнь мельга яксесть,
Чапсть срубт, стявтсть кудот ды скотина трясть.
Кадозь пиретнень саинзе палаксось,
Тарадтнэнь увтни пайстомо вармась.

Стакасто лекси модась марчонть ало,
Вельть кувать азорт корьмаесь учи...
...Россия, Русь... рудазов ки вальмало,
Ташто чаво кудынеть, сэтьмечи.


* * *
Монень истя эрявсь мартот кортамс,
Стака канстонть хоть аламос ёртомс.

Шождыне чатьмонемась тонь вакссо,
Аштян мартот, ды те вийть тень максы.

Эйстэть моли лембе... сэтьметь валот:
Кортат — теке чи оймезэнь валат,

Прок снартнят менстямо ойменть оляс...
Ансяк вана кемематне оласть.

Тон иля эрязкале туеме,
Тон аламос кадовт... чатьмонеме.

АВА  ЛАЙШИ

 

Ава лайши баня кудыкеле,

Ава лайши баня кудыкеле.

Авась тесэ кидеяк а визди,

Авась тесэ кидеяк а пели.

 

Ава лайши баня кудыкеле,

Ава лайши, седеензэ штавты.

Муськи-муськи — потмо вайгель каи,

Чови-чови — сельведне петнявты.

 

Ава лайши баня кудыкеле,

Ава лайши, мезеяк а кекши.

Вай, иля чикордо, умарь чувто...

Вай, иля чикордо, сыре пекше...

 

Ава лайши баня кудыкеле,

Ава лайши, сэредьксэнть а кады.

Уксты — гай менелесь таймазкады,

Вайксты — маней ушось соракады.

 

Ава лайши баня кудыкеле,

Ава лайши, оляс ойме менсти.

Лайшеви — сельведензэ нардасы,

Весе моданть келес сизезь лексти.

 

* * *
Зярдо ськамот, Пазось мартот корты,
Сон оймезэть кежей вал а ёрты.
Зярдо ськамот, мезекс валтнэнь ёртнемс? —
Ононтькак, сеньгак а кинень ёвтнемс.
Зярдо ськамот, вийть седеесь ташты…
Ансяк оймесь оймсеме а машты.
Зярдо ськамот, менелесь маласо,
Гулькантькак чарькодьсак лато прясо.

 

* * *
Велень ульця — пиже килейть, кальть...
Пирявкс потсто вальмат ёнон ваныть.
Ойме ёжонь ёвтамс арасть валт —
Чатьмонян... Сельведень туемс анокт.
 
Мелесь — сэрьсэ, сэрьсэ тезэнь прамс —
Луганть лангс, чачома кудом малас, —
Моданть, кона кольневтсь монь, токамс —
Чевтьстэ-чевтьстэ кутмордамс ды паламс.




СЕДЕЙДЕ МОРО

Монь седеем... Сон ульнесь келес панжозь,
Прок кенкш: совак, кие кельмесь, эжнек.
Весть вейке инже сась, пертьпельга ваннозь,
Ды кадовсь. Сон мелезэнь тукшнось пек.

Кавтов мелявкстнэ — истя минь эринек.
Кавтов кеняркстнэ — тевтне парсте тусть.
Кода минь вейке-вейкень лангс кеминек!
Но весть монь инжесь лия седей мусь.

Монь седеенть, а содан мезень кисэ,
Саизе ды ёртызе палакс потс.
Кода пижнесь седеем, зярдо пицевсь!
Арсинь, сась пе, а вельмевтеви одс.

Стинь стамбаро, зярдо тень ойме вельмесь,
Прок васенцеде пертьпельга варштынь.
Монь седеем... Сон марявсь, теке кельмесь...
Нать, кувать сонзэ панжадо кирдинь.

Александр Арапов

Просмотров: 5291 | Добавил: Танюш | Рейтинг: 0.0/0
Всего комментариев: 0
Имя *:
Email *:
Код *:
Veschneme
Kovkerks
«  Июнь 2011  »
ПнВтСрЧтПтСбВс
  12345
6789101112
13141516171819
20212223242526
27282930
Мини-чат
LOPANT OJNZO
  • Официальный блог
  • Сообщество uCoz
  • FAQ по системе
  • Инструкции для uCoz
  • Статистика

    Онлайн всего: 1
    Гостей: 1
    Пользователей: 0
    Copyright MyCorp © 2024